De entrevistadores a entrevistados!

Onte, comezamos un novo trimestre, e recibimos unha visita moi especial. 

Un grupo de alumnos e mestres do centro San Xerome! Eles forman parte do equipo encargado da elaboración da revista escolar. Traían unha misión:

Facernos unha entrevista!

Puxémonos algo nerviosos, non sabíamos que nos ían preguntar. Contestámoslle a case todas as preguntas, algunhas eran moi difíciles e cos nervios...

Querían saber como nos sentimos participando no proxecto BODY.

Como nos sentimos participando, xunto cos demais centros,  na actividade coloquio -entrevista a catro deportistas da localidade.

Tamén se interesaron por saber o proceso que seguimos para preparar a entrevista. Contámoslle como o fixemos.

Que foi o que máis nos gustou.

Se aprendemos algo dos maiores da Residencia da terceira idade.

E máis preguntas.

Aproveitamos a ocasión para invitalos a visitarnos de novo, xa que nos contaron que algúns deles son uns expertos en fotografía, e queremos que nos ensinen un chisco o que fan.

Graciñas!!!  Esperámosvos!!!

Viva o meu pai!

Este post é unha pequena homenaxe para  os nosos pais.

 Sofia Zapata

Porque nos abanaron cando éramos pequerechos 

Teresa herrero

 Michael Emberly

Porque nos cantan, porque sempre están ao noso lado para axudarnos, 

 Natascia Ugliano

 Catarina Sobral

Porque xogan con nós

Frank Stockton

 Jared Chapman

Porque nos contan contos, porque se preocupan polas nosas necesidades

Pascal Campion

 Tomislav Zlatic

Porque teñen un sorriso máxico, porque loitan por ofrecernos un mundo mellor...

Marcela Calderon

Vivan os nosos pais!!!

 Martyna Wójcik-Śmierska

Reciclaxe da poda

Estes días andiveron os xardineiros do cole de San Xerome podando as árbores do cole.. Estaban enormes!  Nos preguntábamos que ían facer con tantas pólas.

Hoxe, descubrimos que facían con elas: reciclalas.  Pero sabedes como?

Cecilia, unha xardineira moi especial, porque foi alumna deste centro, xunto con outros compañeiros e os seus monitores, explicounos como  as trituran para logo utilizar nos xardíns do pobo e así evitar que medren as malas herbas ao mesmo tempo que serven de abono.

Un novo descubrimento no Tegra!

Como ben sabedes todos, no Monte Santa Tegra, estanse facendo escavacións na zona de Mergelina, que visitamos fai uns meses. Poucos días despois sorprendíanos este achadego:  Unha cabeza tallada en pedra. Pincha na imaxe para velo en vídeo!

Fai uns días, outro  máis sorprendente aínda  UNHA GRUTA DO SÉCULO IV ANTES DE CRISTO!!!
Infórmate pinchando na imaxe

A campaña #YoEstrellaCervantes# foi un éxito rotundo!!!!

    CERVANTES ESTRELA !!!

Cervantes xa da nome a unha estrela, e Quixote, Dulcinea, Sancho e Rocinante aos catro planetas que a orbitan. Esta proposta foi iniciativa do Planetario de Pamplona e a Sociedade Española de Astronomía, co apoio do Instituto Cervantes.

No concurso NameExoWorlds da Unión Astronómica Internacional (IAU) no que se votaron as propostas para nomear 20 novos sistemas planetarios descubertos nos últimos anos, a proposta española foi a clara vencedora.

Esta nova chega xusto cando esta a piques de comezar o Ano Cervantes 2016, no que se conmemora o cuarto centenario da morte do escritor.

Divulgadores e profesionais da astronomía, medios de comunicación, amantes da literatura traballaron xuntos con único fin: por a Cervantes no lugar que lle correspondía entre as estrelas.

A campaña para solicitar votos, bautizada como #YoEstrelsCervantes#, estivo presente durante todo o proceso de votación nas redes sociais e a través dunha web propia. As entidades impulsoras agradécennos a todos os votantes, e especialmente aos colexios, entidades culturais e asociacións de aficionados da astronomía que colaboraron na difusión da campaña, así como aos medios de comunicación que se fixeron eco da proposta

Na honra de Neira Vilas

Hoxe  finou un dos máis grandes autores 

da literatura galega. NEIRAS VILAS.

Deixanos unha extensa obra literaria. Pero 

hai un libro moi especial MEMORIAS DUN 

NENO LABREGO. Esta obra foi publicada 

hai 55 anos. Esta é a obra máis vendida e 

traducida da literatura galega.

Pero nas nosas mans, nas nosas 

bibliotecas... quedan para sempre as súas palabras.

Hasta sempre!

Por que non lle poñemos o nome de CERVANTES a unha estrela do espazo exterior?

É posible conseguilo?

CLARO QUE SI!!!

A Unión Astronómica Internacional saca unha votación para que a xente lle poña nome aos 20 novos sistemas planetarios que foron descubertos  nestes últimos anos.

O proceso comezou a xestarse fai   un ano e esta proposta foi presentada oficialmente polo Planetario de Pamplona ( España) e apoiada pola Sociedade Española de Astronomóa (SEA) e o Instituto Cervantes para nomear á estrela mu Arae e aos seus catro planetas co nome de CERVANTES e os das principais personaxes da  súa novela " El INGENIOSO HIDALGO DON QUIJOTE DE LA MANCHA"

Onde se atopa esta estrela?

Nun lugar da constelación Ara, unha estrela coñecida pola letra μ

Por que ?

Porque a importancia de Miguel de Cervantes na cultura universal non se pode ignorar. A súa obra mestra, Don Quixote, está considerada como a mellor obra de ficción xamais escrita. E , como sabedes, este ano celebramos o 400 aniversario da publicación da segunda parte. 

Pedimos para o famoso cabaleiro e os seus fieis compañeiros o lugar que se merecen entre as estrelas.

A elección dos nomes no é casual no seguinte vídeo explícannos o porque dos mesmos:

Que hai que facer para conseguilo?

Votar esta proposta neste enlace www.estrellacervantes.es

O prazo para votar  abriuse fai uns días e temos hasta 0 31 de outubro.

Algo máis que facer?

Por suposto, podes difundir  a proposta da Estrela Cervantes con enlaces a esta entrada.

Mil grazas! Entre todos podemos conseguilo!